Femínistafélag Akureyrar

The meeting on 19th of April

2007-04-19T14:59:00.000-07:00

We wanted to raise foreign womens awareness of the Feminist Movement of Akureyri. The aim of the meeting was to get broader views into the Movement by formally inviting foreign women to the meeting. Even though the message perhaps did not reach many foreign women in Akureyri, we want to emphasise that their views on Akureyri´s society are more than welcome within this community. It was mentioned at the meeting that some women did not want to attend the meeting because they do not consider themselves as ´feminists´. As a movement, we would like to stress that the changing of views on feminism is central to this movement, and we would like to encourage all questions on feminism within the community. Another view was brought up, which is that foreign women feel isolated within Akureyri´s community. As a response to that, the Movement welcomes people of all nationalities to participate in our meetings.

Konur á Akureyri - leiðtogar!

2007-04-19T11:57:00.000-07:00

Femínistafélag Akureyrar vill fagna því að haldið var leiðtoganámskeið fyrir konur á Akureyri í lok síðasta mánaðar. Vörður, félag ungra sjálfstæðismanna á Akureyri, stóð fyrir þessu námskeiði sem þó var á engan hátt flokksbundið í sjálfu sér. Yfir fimmhundruð konur tóku þátt í námskeiðinu, sem sýnir þann vilja og dug kvenna á Akureyri til að efla leiðtogahæfileika sína. Þróttmiklar leiðtogakonur héldu þar erindi og blésu lífi í baráttuanda þátttakenda.

Femínistafélag Akureyrar vill lýsa ánægju sinni yfir þessu framtaki og vonar að það verði þátttakendum til framdráttar, sem og öðrum.

Áfram stelpur!!!

Ísland með Evrópumet í launamun kynjanna

2007-04-17T08:19:00.000-07:00

Lilja Mósesdóttir, hagfræðingur, greindi frá miður ánægjulegri þróun kynbundins launamunar á Íslandi í dag. Ísland er með Evrópumet í launamun kynjanna og ekki er útlit fyrir að hann minnki. Svo talar fólk um að femínistar eigi nú bara aðeins að slaka á og leyfa hlutunum að þróast "eðlilega". Verði þróunin í samræmi við spá Lilju, þá vilja ég flokka það undir þróun sem er almennt viðurkennd en á engan hátt eðlileg eða ásættanleg. Við þessu verður að bregðast.
(ruv.is: http://ruv.is/heim/frettir/frett/store64/item151223/)

Kisulórur og sjálfsöryggi

2007-04-13T13:59:00.000-07:00

Jessi Stein með femíniska nálgun á þau gildi sem poppbransinn boðar. Hún fjallar hér um raunveruleikaþátt kisulórubrúðanna.

KONUR / WOMEN / KOBIETY

2007-04-13T07:21:00.000-07:00

Hvernig er hið nýja líf í norðri?
Femínistafélag Akureyrar mun ræða um reynsluheim erlendra kvenna á Norðurlandi 19. apríl á Café Amour kl. 20:30.
Hver er þín sýn?

-------------------------------------------------------------------------------------

How is the new life in the north?
The Feminist Movement of Akureyri will be discussing the experience of foreign women in the north of Iceland on the 19th of April in Café Amour at 20:30.

Have your say!

-------------------------------------------------------------------------------------

Jak wygląda nowe życie na północy?
Feministyczny ruch Akureyri będzie dyskutować o przeżyciach kobiet pochodzących z innych krajów na północy Islandii 19 kwietnia w Café Amour 20:30.

Powiedzcie co wam w duszy gra!

-------------------------------------------------------------------------------------

Allir velkomnir / Everyone welcome / Zapraszamy wszystkich

FemAk
femakureyri@gmail.com/femak.blogspot.com

Í tilefni jólanna! Gleðileg jól :)

2006-12-21T16:18:00.000-08:00

Næsti fundur

2006-10-30T07:57:00.000-08:00

Næsti fundur verður þriðjudaginn 7. nóvember klukkan 20:00.
Það er ekki alveg komið á hreint hvar fundurinn verður þar sem að viðe rum að reyna að redda okkur okkur örðu húsnæði þar sem ekki ekki vínveitingasala svo að allir aldurshópar geti nú mætt löglega á fundi hjá okkur :)

En við munum láta vita fljótlega hvort að það náist fyrir næsta fund.

Annars kærar þakkir fyrir fundinn á kvennafrídaginn, hann heppnaðist afar vel!
Þakkir til ykkar allra fyrir að mæta og vera svona skemmtileg :)

Hádegisfundur í Reykjavík ef einhver er staddur þar!

2006-10-30T07:52:00.000-08:00

Samfélagið, félag framhaldnema við félagsvísindadeild Háskóla Íslands,
stendur fyrir hádegisfundi í Hátíðarsal Háskóla Íslands. Fundurinn verður
haldinn 1. nóvember milli klukkan 12:00-13:00 og ber heitið: Nauðganir á
Íslandi. Hvað getum við gert?

Fríða Thoroddsen fulltrúi stjórnmálafræðiskorar innan Samfélagsins setur
fundinn.

Frummælendur:
Eyrún Jónsdóttir, deildarstjóri hjá Neyðarmóttöku vegna nauðgana.
Gísli Hrafn Atlason, fulltrúi karlahóps Femínistafélagsins.

Pallborðsumræður með þátttöku fulltrúa stjórnmálaflokka:
1. Bjarni Benediktsson, Sjálfstæðisflokkur.
2. Dagný Jónsdóttir, Framsóknarflokkur.
3. Guðrún Ögmundsdóttir, Samfylkingin.
4. Kolbrún Halldórsdóttir, Vinstri grænir.
5. Margrét Sverrisdóttir, Frjálslyndi flokkurinn.

Fundarstjóri: Þóra Arnórsdóttir fréttamaður.

Fundurinn er öllum opinn.

Þarf að efast um kjark kvenna?

2006-10-23T01:59:00.000-07:00

Þriðjudaginn 24. október er 31. árs afmæli kvennafrídagsins.

Í því tilefni ætlar Femínistafélag Akureyrar að hittast þann dag á efri hæð Cafe Amour klukkan 20:30 og hafa umræðufund. Yfirskrift fundarins verður; "Þarf að efast um kjark kvenna?"

Vonandi verða þarna með okkur tveir heiðursgestir sem að munu taka þátt í umræðunum og deila visku sinni og reynslu með okkur.

Við tökum það fram að um er að ræða óformlegan umræðufund þannig að allir geta tekið þátt í spjallinu og í raun er alveg frjálst ef að einhver vill koma með upplestur úr bók eða ljóði eða hvað sem er :)

Endilega mætið hress og kát!

Kveðja

Femak

Fundur 17. okt

2006-10-15T16:08:00.000-07:00

Fundur hjá Femínistafélagi Akureyrar verður þriðjudagskvöldið 17. október kl. 20:00.
Fundurinn verður á efri hæð Cafe Amour, sem er kaffihús niður í miðbæ Akureyrar.

Endilega öll að mæta þar sem að þetta er síðasti fundurinn fyrir afmæli kvennafrídagsins og við höfum margt að skipuleggja! :)

Fundur!

2006-10-03T05:26:00.000-07:00

Komiði sæl!

Það verður feministafundur í kvöld klukkan 20:00 á efri hæðinni á amor. Umræðuefni verður kvennafrídagurinn 24. okt.

Endilega látið sjá ykkur!

150 ár frá fæðingu Bríetar

2006-09-27T09:13:00.000-07:00

Í dag eru 150 ár liðin frá fæðingu Bríetar Bjarnhéðinsdóttur. Bríet var íslensk baráttukona sem barðist ötullega fyrir réttindum kvenna.

Bríet var ein af stofnendum Hins íslenska kvenfélags. Það var Bríet sem átti hugmyndina að stofnun Blaðamannafélagsins og hún var upphafsmaður að stofnun Kvenréttindafélags Íslands. Bríet var í framboði fyrir Kvennalistann og hlaut kosningu ásamt þremur öðrum frambjóðendum hans. Hún sat í bæjarstjórn milli 1908 og 1912 og aftur milli 1914 og 1920.
Að lokum má nefna að Bríet var einn af stofnendum Verkakvennafélagsins Framsóknar.
Þetta er ekki tæmandi listi af afrekum Bríetar en nóg til að gefa okkur skýra sýn á það að Bríet var sannkallað kjarnakvendi.

Á þessu ári eru einnig 66 ár liðin síðan að Bríet lést.
Það hefur margt áunnist á þeim tíma. Má þar helst nefna fæðingarorlof karla og aukna vitundarvakningu meðal almennings, að mínu mati. Umræðan hefur opnast og fólk er farið að gagnrýna meira hlutina í kringum sig í stað þess að taka þeim sem sjálfsögðum.
En við eigum ennþá langt í land til að fullu jafnrétti sé náð.
Enn í dag er launamunur á milli kynjanna. Enn í dag erum við með kynjaskipta vinnustaði. Enn í dag þykir eðlilegra að heimilið sé griðarstaður húsmóðurinnar frekar en húsföðursins. Enn í dag þykir eðlilegra að kona taki sér fæðingarorlof meðan að karlmaðurinn þarf oft að mæta fordómum á vinnustað. Og enn í dag tíðkast mannsal og vændi beint fyrir framan nefið á okkur. Þetta er eitthvað sem að kemur í okkar verkahring að breyta.

Þess má geta að undirrituð á einnig afmæli í dag. Ekki jafn stórt og Bríet. En þó.
Undirrituð vill þó afþakka allar gjafir og ætlar ekki að halda partí en óskar þess í stað að allir prófi að skipta um kynjahlutverk í dag.
Ég persónulega er yngst af fjórum systkinum og þar af eina stelpan. Ég var komin með slaufur í hárið og sérsaumaða kjóla á fæðingardeildinni. Við 5 ára aldur var ég farin að kynna mig sem Möggu prinsessu.

Ég ætla í dag að reyna að tileinka mér taktík sem hefur svolítið einkennt karlþjóðina, að mínu mati. Ég ætla að vera óhrædd við að segja mína skoðun á hlutunum, hafa trú á sjálfri mér og kannski, bara kannski veiða fisk með berum höndum.

Margrét Kristín Helgadóttir skrifar.

Bók sem vert er að lesa!

2006-09-06T03:55:00.000-07:00

Ingólfur Ásgeir Jóhannesson, sem er prófessor við Háskólann á Akureyri, var að gefa út bókina, "Karlmenn og jafnréttisuppeldi."

En eins og stendur aftan á bókinni; " Á undanförnum árum hefur vaxandi umræða verið um stöðu drengja í skólum, karlmennsku og áhrif aukins jafnréttis kynjanna á sjálfsmynd drengja og karla. Í þessari bók eru fræðilegar kenningar og rannsóknir nýttar til þess að leggja fram raunhæfar tillögur um jafnréttisuppeldi drengja. "

Kíkjið á hana.

Lata stelpan

2006-09-06T03:51:00.000-07:00

Eftirfarandi er tekið orðrétt af heimasíðu Ungfem; www.ungfem.blogspot.com:

" Lata stelpan er feminískt vefrit. Nafnið vísar til bókar eftir Emil Ludvik. Í upphafi bókarinnar er aðalpersónan illa þrifin og hugsar lítið sem ekkert um húsverkin. Kötturinn hennar neyðir hana í meikóver og eftir það breytist hún í ofurhúsmóður. Ritstjórn Lötu stelpunnar finnst sagan táknræn fyrir kraftinn sem samfélagið setur í að uppfylla staðalímyndir. Pennar vefsíðunnar leita fjölbreyttra leiða til að koma á kynjajafnrétti og miðla þeim hér. Ritstjórnin fékk styrk frá Hinu húsinu til skapandi sumarstarfs. Við kunnum Hinu húsinu bestu þakkir fyrir. Ef þú vilt hafa samband sendu þá tölvubréf á latastelpan@gmail.com."

Allir að kíkja! http://www.latastelpan.is/

Ég er neðanberi

2006-09-06T03:45:00.000-07:00

Fyrir þá sem hafa í hyggju að gerast meðlimir í Neðanbera Klúbbi Hennar Hátignar vil ég segja að reglurnar eru þessar:
Verið í fínum fötum að ofan.
Farið úr ÖLLU að neðan.
Verið loðin og náttúruleg, helst fram úr hófi.
Aldrei, aldrei, aldrei gera þetta í kynferðislegum tilgangi.
Aldrei, aldrei, aldrei vera sexý.
Í þessu ástandi má helst ekki ræða neitt nema pólitík og bókmenntir, ekki má víkja einu orði að lágmenningu og kynlífi.
Alls ekki má undir nokkrum kringumstæðum dilla mjöðmunum á eggjandi hátt.
Blátt bann er lagt við söng. Undantekningar eru þó gerðar við þessa reglu ef um ræðir pólitíska baráttusöngva, en þá á að syngja í megafón, ekki í míkrófón.
Hafið húmor fyrir sérkennilegum ljótleika kynfæra ykkar.

Þið eruð fallegt fólk þegar á heildina er litið.

Góðar stundir.

(Tekið af www.vilborgo.blogspot.com.)

Starfið hafið

2006-09-06T03:38:00.000-07:00

Jæja þá var fyrsti fundur vetrarins haldinn í gærkveldi.
Við hittumst á kaffihúsinu Amour hér í bæ klukkan 20 og það var bara nokkuð góð mæting. Mörg ný andlit og nýjar hugmyndir.
Á fundinum var ákveðið að fyrsta starf félagsins í vetur yrði að kynna starf okkar og hugmyndir. Rætt var um að fara í framhaldsskólana og jafnvel efstu bekki grunnskólanna. Einnig að fara í það að hengja upp auglýsingar og einfaldlega að spread the word.

Ýmsar hugmyndir komu upp í gær; eins og hvert við sjáum félagið stefna og hvað við viljum gera.

Við viljum endilega hvetja sem flesta til að taka þátt. Þið getið skráð ykkur í félagið með að senda póst á femakureyri@gmail.com og þá eruð þið komin í póstgrúbbu og fáið fréttir af því sem við erum að gera hverju sinni.

Ákveðið var að hafa fundi annan hvern þriðjudag og verður því næsti fundur þriðjudaginn 19. september kl. 20, og ætli hann verði ekki bara á Amour.

Ef þið hafið einhverjar skoðanir, sögur, pistla eða hugsun varðandi jafnrétti og/eða feminisma, endilega sendið það á ofangreint e-mail og við birtum það.

2006-06-16T04:15:00.000-07:00

Endilega skoðið þessa auglýsingu.

Pælingar dagsins

2006-06-09T14:31:00.000-07:00

Þetta er mynd sem að ég rakst á í Fréttablaðinu í dag, 9. júní.
Þetta er s.s mynd frá leiðtogafundi Eystrasaltsráðsins sem var haldinn í Reykjavík.
Flest allt eru þetta forsætisráðherrar - en burt séð frá því þá er þessi mynd eitthvað svo mikil snilld og það má lesa ýmislegt táknrænt úr henni :)
Allt karlmenn nema ein lítil hvítklædd kona út á enda.

Svona er þetta mikið í dag. Konur eru jú að komast í meiri áhrifa stöður en þær voru vanar hér í denn en samt er þeim ekki treyst fyrir "raunverulegum" völdum. Forsætisráðuneyti, utanríkisráðuneyti, fjárráð innan fyrirtækja og svo framvegis.
Pælið aðeins í þessu.

Annars nálgast 19.júní óðfluga. Ég vona að allt félagsfólk Feministafélagsins hafi fengið póst frá okkur nú þegar. Ef ekki, sendið þá línu hér í komment.
Og þið hin sem viljið gerast meðlimir - sendið línu!

Áskorun: Vændi er ekki íþrótt

2006-06-04T12:43:00.000-07:00

Við ákváðum að stela þessu af síðu Feministafélagi Íslands og setja hér inn og þar sem að nafn okkar er ekki á undirskriftalistanum bættum við okkar samtökum við hérna hjá okkur.

Fulltrúar íslensku kvennahreyfingarinnar hafa afhent eftirfarandi áskorun Þýska sendiráðinu og Knattspyrnusambandi Íslands:

Í júní og júlí næstkomandi fer fram heimsmeistarakeppnin í fótbolta í Þýskalandi. Því miður hefur vændi verið lögleitt sem hver önnur atvinnugrein þar í landi og samkvæmt alþjóðasamtökunum Coalition Against Trafficing in Women er undirbúningur hafinn til að flytja inn 40.000 konur frá mið- og austur Evrópu. Þessar konur, eiga að „þjóna“ þeim körlum sem leggja leið sína á heimsmeistarakeppnina.

Með þessu er verið að blanda saman íþróttum og kynbundnu ofbeldi, ýta undir mansal og hlutgera konur sem kynlífsleikföng karlmanna. Vændi hefur alvarlegar líkamlegar og andlegar afleiðingar fyrir konur og aldrei er ásættanlegt að líkamar kvenna gangi kaupum og sölum. Við skorum á Knattspyrnusamband Íslands að mótmæla þeirri ofbeldisvæðingu sem á sér stað samhliða heimsmeistarakeppninni og koma þeim skilaboðum til FIFA. Einnig er skorað á þýsku ríkisstjórnina að axla félagslega ábyrgð, beita sér gegn mansali og öðru kynbundnu ofbeldi og lýsa því yfir að íþróttir og mannleg niðurlæging eigi ekki samleið.

Bríet – félag ungra femínista
Femínistafélag Íslands
Konur gegn limlestingu
Kvenfélagasamband Íslands
Kvennaráðgjöfin
Kvenréttindafélag Íslands
Neyðarmóttaka vegna nauðgunar
Prestur Innflytjenda
Rannsóknarstofa í kvenna- og kynjafræðum
Samtök kvenna af erlendum uppruna á Íslandi
Samtök um kvennaathvarf
Stígamót
UNIFEM á Íslandi
V-dagssamtökin
Feministafélag Akureyrar

1. maí

2006-04-30T06:55:00.000-07:00

Jæja þetta er orðið ansi gott og langt páskafrí hjá okkur! :)

En á morgun er 1. maí og þá finnst okkur kjörið að minnast láglaunafólks í landinu. Feministafélag Íslands ætlar sérstaklega að minnast láglaunakvenna og fara í göngu með kröfuspjöld og vera með skemmtilegheit.

Okkur fannst alveg kjörið að apa eftir því og gera slíkt hið sama, nema hvað að það verður engin ganga í ár!
En við höfum samt hugsað okkur að mæta á hátíðarhöldin niður í bæ og hver veit nema við búim við eitt til tvö kröfuspjöld svona til gamans ;)

Annars er svo spurning hvað við gerum af okkur á 6. maí en þá er hinn skemmtilega "Megrunarlausi dagurinn."
Ég hvet ykkur til að fylgjast með hér á síðunni - Við gætum tekið upp á því að vera með eitthvað þann daginn okkur til fræðslu og skemmtunar.

Sjáumst hress á morgun í bænum!

P.s það hefur komið upp sú hugmynd að gera pásu á formlegum hluta félagsins svona yfir suamrtímann. Sem sagt að halda ekki reglulega fundi heldur bara vera dugleg að blogga hér inn og skrifa greinar. Þetta kemur til af því að mikill hluti félagsins er bundinn við skólana hér og fer út á landsbyggðina yfir sumarið. Stefnan er þá að koma á fundum aftur næsta haust og fara þá í skólana og kynna félagið.
Endilega segið ykkar skoðun á því.

Veist þú um einhvern sem á þau skilið?

2006-04-14T08:47:00.000-07:00

Páskafríííííí

2006-04-10T07:31:00.000-07:00

Nú er víst komið að hinu langþráða páskafríi í skólum bæjarins og í því tilefni ætlar Feministafélagið einnig að taka sér smá páskafrí :)
Þar sem að næsti fimmtudagur er Skírdagur og fimmtudagurinn þar á eftir er Sumardagurinn fyrsti þá verður páskapásan alveg í tvær vikur.
Við ætlum okkur að nýta þann tíma vel í páskaeggjaát og hugmyndavinnu og leggjum til að þið gerið slíkt hið sama :)

Sjáumst svo hress og kát eftir tvær vikur.

Gleðilega páska!

Harma ummæli utanríkisráðherra um konur

2006-04-06T07:46:00.000-07:00

Eftirfarandi eru ályktun sem Femínistafélag Akureyrar gaf frá sér eftir ummæli Geirs H. Haarde:

Femínistafélag Akureyrar harmar þau ummæli sem að ágætur utanríkisráðherra, Geir H. Haarde lét frá sér á fundi síðastliðið laugardagskvöld, þar sem hann ræddi um brottför hersins og þá möguleika sem við ættum í stöðunni. Geir notaði eftirfarandi samlíkingu: "Það er ekki alltaf hægt að fara heim með sætustu stelpunni á ballinu, en önnur gerir kannski sama gagn"

Feminstafélagi Akureyrar leikur forvitni á að vita hvað hæstvirtur utanríkisráðherra átti við með þessari samlíkingu. Sem ráðamaður þjóðarinnar á Geir H. Haarde að gæta orða sinna og vera öðrum til fyrirmyndar. Feministafélag Akureyrar vill benda honum á að klaufalegt orðalag hans gerir ekki einungis lítið úr konum heldur líka honum sjálfum.

Bréf til keppenda í Ungfrú Norðurland

2006-04-06T07:38:00.000-07:00

Þann 18. mars var haldin fegurðarsamkeppni norðurlands í Sjallanum á Akureyri. Þessi keppni varð í raun kveikjan að stofnun Femínistafélagi Akureyrar. Við ákváðum að eitthvað þyrfti að gera til að vekja athygli á inntaki slíkrar keppni. Við ákváðum að útbúa bréf sem við sendum til stúlknanna sem tóku þátt og látum við bréfið, sem talar fyrir sig sjálft, fylgja með:

Þú ert falleg! Þú þarft ekki taka þátt í fegurðarsamkeppni til að vita það.

Nú þegar umræður um fegurðarsamkeppnir eru allsráðandi getur maður ekki annað en velt fyrir sér inntaki þeirra. Hverju nákvæmlega er verið að keppa í? Út frá hverju er verið að dæma? Hver hefur það guðdómlega vald til að segja til um það hvað sé fallegt og hvað ekki? Dómararnir sem dæma keppnirnar? Hafa þeir lokið skóla í fegurðarfræðum? Nei. Dómararnir eru bara eins og þú og ég. Venjulegt fólk sem er uppfullt af kreddulegum samfélagshugmyndum um staðlaða ímynd fegurðarinnar.

Kjarni málsins: Það er engin uppskrift sem að dómnefndin getur farið eftir í því hver sé fegurst. Maður gæti skilið það ef að sú sem grennist mest, er með mesta hárið eða getur labbað hraðast ynni. Þá væru fyrirfram gefnir staðlar sem stúlkurnar gætu allar unnið hörðum að. Allar stúlkurnar kæmu að keppninni á sama grundvelli og ættu allar jafn mikla möguleika. Eins og staðan er í dag þá er það bara huglægt mat hvers og eins dómara sem að ræður för.

Ert þú til í að láta það í hendurnar á ókunnugu fólki að segja til um hvort að þú sért nógu sæt eða ekki?

Fegurð þína er ekki mælanleg. Hún felst í þroska og góðri sjálfsímynd og fer einungis batnandi með árunum. Spurningin er ekki um fatastærðir, kílóafjölda, hæð eða háralit, heldur er hún spurning um að læra að elska sjálfa sig frá toppi til táar.

Þannig að: Líttu í spegil og ákveddu sjálf að þú ert falleg.

Feministafélag Akureyrar

Fundur 6. apríl

2006-04-05T11:56:00.000-07:00

Fundurinn 6. apríl - annað kvöld - fellur niður vegna aðalfundar Félags Félagssvísinda- og lagadeildar Háskólans á Akureyri.

Næsti fundur verður fimmtudaginn eftir viku og þá klukkan 21 á sama stað og venjulega.

Síðasti fundur

2006-04-01T05:40:00.000-08:00

Á síðasta fundi vorum við að ræða um staðalímyndir og í kjölfarið af því fegurðarsamkeppnir og líkar keppnir. Mikið var rætt um nýlegan þátt á Sirkus sem nefnist Bikinimodel 2006 og virðist snúast mikið um það að sýna brjóst og drekka áfengi.
Við ræddum það hvernig hægt væri að snúa þessari þróun við? Þar sem fólk er hlutgert og gert sem söluvænst.

Við ræddum einnig þessa bloggsíðu. Það að við ætlum að reyna að vera dugleg að koma með nýjar greinar og upplýsingar hér inn reglulega.

Annars er næstu fundur á Parken klukkan 21 næsta fimmtudag ;)

Parken 21 - í kvöld

2006-03-30T09:02:00.000-08:00

Já, það er sem sagt fundur í kvöld klukkan 21 á Parken (Efstu hæðinni í Fiðlarahúsinu).

Endilega að mæta og hafa gaman að :)

Sjáumst!

Feministafélag Akureyrar

2006-03-26T13:04:00.000-08:00

Nú hefur verið stofnað Feministafélag Akureyrar.
Við erum þverpólitískur hópur og má hver sem er ganga til liðs við félagið.
Við höfum hingað til fundað á Parken á fimmtudagskvöldum klukkan 21 og viljum við endilega bjóða alla velkomna að kíkja á okkur, þó ekki væri nema eitt kvöld til að spjalla.

Við ætlum að nota þennan miðil til að koma hugleiðingum okkar til skila og skilaboðum til ykkar og vonum við þar af leiðandi að þið verðið dugleg að kíkja ;)

Femínistafélag Akureyrar

2006-03-26T12:50:00.000-08:00